သင်တန်းရေးရာဌာနသည် ပညာသင်နှစ်အလိုက် ဝင်ခွင့်စိစစ်လက်ခံခြင်း၊ တက္ကသိုလ်၏ လှုပ်ရှားမှုဆိုင်ရာကိစ္စရပ်များအား Semester Plan ရေးဆွဲ ဆောင်ရွက်ခြင်း၊ ကျောင်းစည်းကမ်း ထိန်းသိမ်းမှုဆိုင်ရာကိစ္စရပ်များ ဆောင်ရွက်ခြင်း၊ ကျောင်းသား/ ကျောင်းသူများ၏ ကိုယ်ရေး အချက်အလက် မှတ်တမ်းများပြုစုထိန်းသိမ်းခြင်း၊ စာပေပြိုင်ပွဲများ၊ အားကစားပြိုင်ပွဲများ ကျင်းပပြုလုပ်ခြင်း၊ ပညာသင်နှစ်၏နှစ်ဝက်အလိုက် စာမေးပွဲများကျင်းပပြုလုပ်ခြင်း၊ သင်ကြားရေး ဌာနများ နှင့် ချိတ်ဆက်ဆောင်ရွက်ခြင်း၊ အောင်စာရင်းများ ထုတ်ပြန်ကြေညာခြင်းနှင့် ဘွဲ့နှင်းသဘင်အခမ်းအနား ကျင်းပပြုလုပ်ခြင်းများ ဆောင်ရွက်ရပါသည်။
၂၀၁၉ - ၂၀၂၀ ပညာသင်နှစ်တွင် ပထမနှစ်မှ မဟာတန်းအထိ ကျောင်းသား/ ကျောင်းသူ တက်ရောက်မှု အခြေအနေမှာ အောက်ဖော်ပြပါအတိုင်းဖြစ်ပါသည် -
ဒေသတွင်းအလုပ်အကိုင်ရရှိရေး၊ သင်ကြားမှု/ သင်ယူမှုအခွင့်အလမ်း မြင့်မားစေရေး တို့ အတွက် သမဝါယမနှင့်စီမံခန့်ခွဲမှုပညာတက္ကသိုလ်(စစ်ကိုင်း)တွင် ဝါဏိဇ္ဇဗေဒဌာန၊ ဘောဂဗေဒဌာန နှင့် စီမံခန့်ခွဲမှုပညာဌာနတို့မှ ဦးဆောင်၍ အောက်ဖော်ပြပါ HRD သင်တန်းများ ဖွင့်လှစ်ဆောင်ရွက်ခဲ့ ပါသည် -
(က) ဝါဏိဇ္ဇဗေဒဌာန (၁) Certificate in Business Accounting (LCCI Level I - P) (၂) Certificate in Human Resource Management (၃) Certificate in Business Studies (ခ) ဘောဂဗေဒဌာန Diploma in Development Studies (ဂ) စီမံခန့်ခွဲမှုပညာဌာန Certificate in Marketing Management
Competency မြင့်မားစေရန် Knowledge နှင့် Skill အပြင် Attitude ပြောင်းလဲရေး အတွက် ဆရာ/ဆရာမများ၏ သင်ကြားမှုစွမ်းဆောင်ရည် မြင့်မားလာစေရေးနှင့် Teaching Methods, Strategics, Leadership ပုံစံများအား သိရှိနားလည်စေပြီး လုပ်ငန်းခွင်တွင် ထိရောက်စွာ ပြန်လည် အသုံးချနိုင်ရေးကို ရည်ရွယ်၍ “ဆရာ/ ဆရာမများ စွမ်းဆောင်ရည် မြှင့်တင်ရေးနှင့် သင်ကြားမှု နည်းပညာသင်တန်း” (Capacity Building and Training of Trainers on Pedagogy) များ ဖွင့်လှစ်ပို့ချ ဆောင်ရွက်ခြင်းကို ဆောင်ရွက်ပါသည်။
နိုင်ငံတကာဆက်ဆံရေးဌာနခွဲ အနေဖြင့် သမဝါယမတက္ကသိုလ်(စစ်ကိုင်း)နှင့် Korea Myanmar Research Association (KOMYRA) တို့အကြား နားလည်မှုစာချွန်လွှာ (MoU)လက်မှတ် ရေးထိုးခြင်းကို ပြုလုပ်ခဲ့ပြီး ထိုသို့ ဆောင်ရွက်ခြင်းဖြင့် မိမိတက္ကသိုလ်နှင့် ကိုရီးယား - မြန်မာနှစ်နိုင်ငံ အကြား အကျိုးပြု သုတေသနလုပ်ငန်းများ၊ ပညာရေးလှုပ်ရှားမှုများ၊ သင်ရိုးညွှန်းတမ်းနှင့် သင်ရိုး မာတိကာများ ဖွံ့ဖြိုးတိုးတက်အောင်ပြုလုပ်ခြင်း၊ HRD နှင့် အခြားသင်ကြားရေးဆိုင်ရာ လှုပ်ရှားမှုများ ပြုလုပ်ခြင်းတို့ကိုဆောင်ရွက်နိုင်မည်ဖြစ်ပါသည်။
သမဝါယမတက္ကသိုလ်/ ကောလိပ် တစ်ခုမှ တစ်ခုသို့ ပြောင်းရွှေ့သင်ကြားလိုပါက အောက်ပါအချက်များနှင့် အကျုံးဝင်မှသာ ဆောင်ရွက်နိုင်ပါသည်-
(က) မိဘများသည် ဝန်ထမ်းဖြစ်၍ တာဝန်အရ ပြောင်းရွှေ့ရသောကြောင့် ပြောင်းရွှေ့ သင်ကြားလိုကြောင်း လျှောက်ထားလိုပါက မိဘ၏ ပြောင်းရွှေ့မိန့်မိတ္တူ တင်ပြ လျှောက်ထားနိုင်သည်။ (ခ) အခြားအကြောင်းအမျိုးမျိုးကြောင့် ပြောင်းရွှေ့ခွင့် လျှောက်ထားလိုလျှင် ခိုင်လုံသော အထောက်အထား တင်ပြပြီး လျှောက်ထားနိုင်သည်။
